السلام عليكم
مشكلتي انا كنت مخطوبه لمدة سنتين كاملين لواحد
كنت بثق فيه جدااااا فوق أي تصور وكنت شايفاه جميل اوي
مع إن كل الناس بلا استثاء بيقولوا أنه كشكلا مش حلو
بس انا من اول مره شوفته وكنت مرتاحه جدا وحبيته وحبيت شكله وكل حاجه
واكتشفت بعد سنتين وبعد ما حددنا الفرح
إنه متجوز عرفي ومقضيها وانسان مش كويس فنهينا الموضوع طبعا وعدي اربع شهور دلوقتي وكانت صدمة حياتي
ومن اول أسبوع سبت فيه خطيبي اتقدملي واحد وكل يوم يبعت رساله فالمهم أهلي قالوله أن انا نفسيتي مش كويسه قال هستناها فالمهم هو ساري جدا وانسان محترم ومهندس وأهم حاجه إنه شاري
فجه وقعدت معاه مرتين
ارتحت لكلامه جداا بس شكله مش حلو مش عارفه أشوفه حلو أبدا
مع أن كلهم بيقولولي أنه احلي من خطيبي الاولاني
بس بجد مش قادره اتقبل شكله وانا عارفه إن دي خلقةوانا مش بعايب والله وعارفه أنه مش بالشكل بس مش عارفه اتقبل شكله ومش عاوزه الظلمه معايا وانا نفسي احبه واكون مبسوطه بس موضوع شكله مضايقني ومضايقه من نفسي ومش عارفه اعمل اي والصح إي
بالعلم انا صليت استخاره وحلمت أن يوم خطوبتنا والمفروض هو العريس اسما بس شكلا مش هو كان شكل تاني حلو وانا كنت مبسوطه اوي
بس الحلم ده قبل ما اقعد معاه عشان انا كنت شايفه صوره قبل ما اقعد وبرده كنت حسه انه مش حلو
فياريت لو حد يقدر يفيدني إي الصح
