بصراحة المفروض كان أشكال الناس تبقى متقاربه.. بس هي سنن كونيه وطفرات جينيه وقوانين وضعها ربنا ومش بيحصل فيها معجزات. للأسف في ناس قبيحين ومعاقين مع انا معايير الجمال بنسبه كبيرة معروفه وثابته عند كل الناس.. يعني كلنا بنشوف الملامح الدقيقه الصغيرة جميله الجسم الجميل راجل او ست محدش بيختلف عليه.. رغم وجود غريزة الإنجذاب للجمال عند كل البشر الا ان في ناس قبيحين ومعاقين.. للأسف حظ سئ مش حتعرف تغييره ولو اعترضت او حسيت بالظلم تبقى كافر وناقم ومريض نفسي.. يعني تبقى عندك مشكله وخايف تتكلم رغم ان الكلام مش حيغيير حاجة.. بس بردو لو اتكلمت حتتوصم انك مريض نفسي او ملحد.
واكتر شى مستفر ردود الشيوخ.. صلى صوم ربنا ليه حكمة.. ماشي انت كدة بردو ماريحتنيش انت بتمعلشني يا شيخ. قولي انه حظ وان الناس بتحب الجمال وانت معندكش حظ ححترمك لكن تمعلش واحد شاف كتير بسبب الشكل والتنمر وقله الفرص في جواز او اي حاجة اجتماعيه بسبب الشكل. ف حرام عليك يا شيخ. أحاديث الرسول اكثر صدقا ف الموضوع دة.. صريحة وبتبرز اهميه الجمال في حوار الجواز ودة الواقع..
بس اكيد اللي بيعاني ربنا مش حينساه ف الدنيا او آخرة يعني اللي شايف الناس كلها بتتقدم وهي معقدة من شكل او فقر او نبذ اختماعي اكيد حسابها مش زي اللي اللي محسش بالالم ده. بس ف الدنيا دة حظ مالكش حظ تعايش مع الألم ..