كلمات قصيده مااعتقد اني بحبك علطول
مااعتقد باني بحبك علطول
ومااعتقد باني مثل ماتبيه
حبي معي واحد علطول مشغول
واذا فضي بوصلك لي بدينه
حبي ماكنت سائل ومسؤول
حتي لو اني شخص تستاهلينه
الحب دايم اكثر احساس مملول
لذا افضل مااجيه وتجينه
خلك معي لاصرت مدري وش اقول
وابقي معك داخل قصصك الحزينه
وارضي معي لاصرت راضي ومعزول
عني وعن كرهي وكارهيني
كاتب هذه القصيده هو الشاعر القطري سلمان بن خالد
وقد اصدر الشاعر ديوان بأسم (close ) وديوان اخر يسمي (خشب)
وله كثير من القصائد والاشعار ومنها
قصيده انت في ايدي امينه
اسال اللي ما عرف يمشي وراهم
كيف كانت ضحكته مع كارهينه
الانتقاص الشك الكذب الغيبه
كلها .. نتاج للاحداث الحزينه
والانهيار الداخلي والحب نفسه
مشكلتهم كل الاوجاع الدفينه
اسال اللي ما عرف يمشي وراهم
كيف كانت ضحكته مع كارهينه
وليه ما يحمل ضغينه ضد منهو
كان في مافات يحمل له ضغينه
وليه راح وليه يوميا يعاني
وكيف مر الوقت ومرت سنينه
وليه لاسافر مدينه شاخ حزنه
لين ما يمشي على ارصفة المدينه
اسالك بالله شفت انسان مثله
مجتمعه الساذج احيانا يدينه
شاعر خلى جماهيره تحبه
يكتب الاحرف .. وتقراها بعينه
لاكتب يكتب عن جروحه وهمه
ولا انتهى يبكي على اللي تاركينه
من متى حاله كذا من يوم قفت
من خذت حتى البواقي من حنينه
علمته اللي يحب ان السوالف
صدقها .. لا قالها بينه وبينه
وعلمته اللي يحب ان المحبه
حلوها من قبل لا تلوى يمينه
وعلمته اللي يحب ان الرسايل
صدقها لامن بدت ترجف يدينه
يارفيقي ابتسم للناس واضحك
وشوفني ماشوف هالدنيا ثمينه
معركة نفسك الاخيره ضد نفسك
لا تذوقك الحسايف والغبينه
ولا تخلي الحزن يكبر ويتضخم
مثل مابه الخوف موجوده السكينه
وخاف فعلا خاف لا قالو تطمن
ياعزيزي انت في ايدي امنيه
وايضا قصيدة ياوجودي على الماضي
قصيدة الخوف
قصيدة كانها الفرقا ترى بتصير منا
قصيده لو اني صحيح احب نفسي
قصيده يارب خذني قبله
