حلمت ان ماما جوزتني ل شخص غصب عني وانا اعرف الشخص ده كويس وبعد فتره حاولت اقنع نفسي اني ممكن احبه ورضيت بالأمر الواقع
وبعد شويه لقيته داخل عليا بس على هيئه شخص تاااااني خااالص عمري م شفته وكان شكله وحش جداا وكمان كبير ف السن
حاولت اقنع ماما اني م عيزاه بس هي كانت بتزعقلي
انا كنت لابسه اسود ف اسود، بعد شويه لقيت عربيه اللي هتزف فيها جايه تاخدني وكانت جميله اوووي وكان راكب فيها واحده لابسه عروسه
وهي نزلت عشان نا اركب، كنت بحاول اعيط كتير ف الحلم بس للاسف مكنتش عارفه كنت حاسه ان في حاجه مقيداني وربطاني
لقيت ماما بتفتح باب العربيه ولما شفتني زعلانه فضلت تزعقلي
وبعد م روحت نا وهو ع البيت مرضتش انام جمبه ونمت ع الارض جمب السرير لاني حقيقي مكنتش طيقاه
سمعت ونا نايمه واحده بتقوله سيبك منها دي بومه وفقر تعالا انا اجبلك الولد اللي نفسك فيه ولما قمت اشوفها مين لقيتها نفس البنت اللي كانت لابسه عروسه وجايه ع العربيه بتاعت الزفه
كنت مخنوووقه جدا ونفسي اعيط بس م عارفه وكمان عنيا كانت حمرااا جدا ووارمه
للعلم البنت اللي ظهرت ف الحلم نا عرفاها وكمان هي بنت مشيها وحش وم مظبوطه
