ﻛﻠﻤﺎﺕ ﺍﻏﻨﻴﺔ من المدفع طلع خازوق
ﻣﺼﻄﻔﻰ ﺳﻴﺪ ﺍﺣﻤﺪ
ﻣﻦ ﺍﻟﻮﺍﺳﻮﻕ ﺍﺑﺖ ﺗﻄﻠﻊ
ﻣﻦ ﺍﻻﺑﺮﻭﻝ ﺍﺑﺖ ﺗﻄﻠﻊ
ﻣـﻦ ﺍﻷﻗﻼﻡ ﺍﺑﺖ ﺗﻄﻠﻊ
ﻣﻦ ﺍﻟﻤﺪﻓﻊ ﻃﻠﻊ ﺧﺎﺯﻭﻕ
ﺧﻮﺍﺯﻳﻖ ﺍﻟﺒﻠﺪ ﺯﺍﺩﺕ
ﻳﻔﻴﺾ ﺍﻟﻨﻴﻞ ﻧﺤﻴﺾ ﻧﺤﻨﺎ
ﻳﻈﻞ ﺣﺎﻝ ﺍﻟﺒﻠﺪ ﻭﺍﻗﻒ ﺗﻘﻊ ﻣﺤﻨﻪ
ﻭﻻ ﺍﻟﻨﻴﻞ ﺍﻟﻘﺪﻳﻢ ﻳﺎﻫﻮ ﻭﻻ ﻳﺎﻧﺎ
ﻧﻌﺎﻳﻦ ﻓﻰ ﺍﻟﺠﺮﻭﻑ ﺗﻨﻬﺪ ﻭﻻ ﻳﺎﻧﺎ
ﺭﻗﺎﺏ ﺗﻤﺮ ﺍﻟﺠﺪﻭﺩ ﺗﻨﻘﺺ ﻭﻻ ﻳﺎﻧﺎ
ﻣﺘﻴﻦ ﺍﻳﺪ ﺍﻟﻐﺒﺶ ﺗﺘﻤﺪ
ﻻ ﻗﺪﺍﻡ ... ﻭﻻ ﻗﺪﺍﻡ
ﺗﺘﺶ ﻋﻴﻦ ﺍﻟﻀﻼﻡ ﺑﺎﻟﻀﻮ
ﺗﻔﺮﻫﺪ ﺷﺘﻠﻪ ﻻ ﻫﺪﺍﻡ
ﻭﻻ ﻓﻴﻀﺎ ﻳﻔﻮﺕ ﺍﻟﺤﺪ
ﻋﻘﺐ ﻳﺎ ﻧﻴﻞ ﺗﻜﻮﻥ ﻳﺎﻛﺎ
ﻭﻧﻜﻮﻥ ﺃﻫﻞ ﺍﻟﺒﻠﺪ ﺑﺎﻟﺠﺪ
ﻳﺎ ﻣﻄﺮ ﻋﺰ ﺍﻟﺤﺮﻳﻖ
ﻳﺎ ﻣﺼﺎﺑﻴﺢ ﺍﻟﻄﺮﻳﻖ
ﻳﺎ ﺍﻟﻤﺮﺍﻛﺒﻴﻪ ﺍﻟﺒﺘﺠﺒﺪ ﻣﻦ ﻓﻚ
ﺍﻟﻤﻮﺝ ﺍﻟﻐﺮﻳﻖ
ﺟﻴﻨﺎ ﻟﻴﻚ ﻭﺍﻟﺸﻮﻕ ﺩﻓﺮﻧﺎ
ﻳﺎ ﻧﺸﻮﻕ ﺭﻭﺣﻨﺎ ﻭﺩﻣﺮﻧﺎ
ﻳﺎ ﺍﻟﻤﺤﻄﺎﺕ ﺍﻟﺤﻨﻴﻨﻪ
ﺍﻟﻘﺼﺮﺕ ﻣﺸﻮﺍﺭ ﺳﻔﺮﻧﺎ
ﻳﺎﻣﺎ ﺷﺎﻳﻠﻚ ﺑﻴﻨﻲ ﺣﺎﻳﻢ
ﻻ ﺍﻟﻠﻴﺎﻟﻲ ﺍﻟﻤﺨﻤﻠﻴﻪ
ﻻ ﺍﻟﻌﻤﺎﺭﺍﺕ ﺍﻟﺴﻮﺍﻣﻖ
ﻻ ﺍﻻﺳﺎﻣﻲ ﺍﻻﺟﻨﺒﻴﺔ
ﺗﻤﺤﻰ ﻣﻦ ﻋﻴﻨﻲ ﻣﻼﻣﺤﻚ
ﺍﻧﺖ ﺟﺎﻳﺔ ﺍﻟﻤﻐﺮﺑﻴﻪ
ﺩﺍﻗﺴﻪ ﺩﺍﻳﺸﻪ ﺍﻟﻤﻐﺮﺑﻴﻪ
ﻭﺷﻚ ﺍﻟﻤﻜﺒﻮﺕ ﻣﻜﻨﺪﻙ
ﺳﻤﺴﻤﻮﻧﺎﻳﺘﻚ ﺯﻣﺰﻣﻴﻪ
ﻛﻮﻥ ﺷﺒﺮ ﻃﻮﺭﻳﻪ ﻣﻨﺠﻞ
ﺳﺒﺤﻪ, ﻓﺎﻧﻮﺳﺎ ﻣﺪﺭﺩﺡ
ﻗﻠﺘﻰ ﺑﻴﻬﻦ ﻟﻲ ﺯﻣﺎﻧﻚ
ﻳﺎ ﺯﻣﺎﻥ ﺍﻟﺤﺎﺟﺔ ﻋﻨﺪﻙ
ﻳﺎ ﺯﻣﺎﻥ ﺍﻵﻫﺔ ﺣﺪﻙ
ﻻ ﺗﻄﺄ ﺍﻟﻮﺭﺩﺓ ﺍﻟﺼﺒﻴـﺔ
