في البداية لازم تعرف انت محتاج ايه ...كاميرا ولا اداء ولا استايل وشكل حلو وهحاول اسرد مميزات كل نوع
1-هواوي :
هواوي تعتبر واحدة من الشركات اللي قدرت تفرض نفسها بقوة في السوق والسنة الماضية تعتبر سنة نجاحها لانها كانت قربت جدا من انها تبقي المركز الاول بعد ما تخطت سامسونج وبقت المركز التاني بعد ايفون ..
هواتف هواوي عموما بتعتمد علي تلت حاجات (الاستايل -الاداء -الكاميرا)
-الاستايل:
هواوي هواتفها بتقدم افضل التصميمات بداية من الفئة المتوسطة حتي الفئة العالية واللي هواتفها ممكن تتخطي ال15 الف جنيه..بتحاول تحسسك انك معاك حاجه قيمة مش مجرد فون
-الاداء :
هواوي ادائها كويس ..دا اللي ممكن يبقي عيب الهاتف كله ان هواتفها لحد الفئة تحت المتوسطة -اللي اقل من 7الاف- متوسطة في الاداء عكس بقية الهواتف اللي بتحاول تقدم اداء يرضي المستخدم..من بعد الفئة دي هتلاقي ان هواتفها ممتعة في الاستخدام وسلسلة بشكل لا يوصف..
-الكاميرا:
هواوي افضل تجربة كاميرا هتأخدها بعد هواتف جوجل بيكسل من حيث كل حاجه ...
2-اوبو
اوبو بدأت كشركة هواتف مبدعة ..دخلت السوق واظهرت مجموعة هواتف غريبة ومميزة في نفس الوقت..
هنتكلم علي نفس النقط
-الاستايل : ابداع في التصاميم بشكل غير محدود وهتلاحظ حبهم للتغيير اكتر مش الثبات علي شكل او واجهة واحدة بس ممكن العيب هنا الماتريال اللي بتستخدم في الهواتف -عدد من الهواتف في فئة متوسطة مصنوعة من البلاستيك-
-الاداء :
سلسل وذكي وهتستمع وانت بتستخدم الواجهة بتاعتهم ..التهنيج عموما قليلا في كل هواتفها
الكاميرا:
ممكن تقول انها في اخر تلت سنين تعتبر اكتر شركة قدمت افضل كاميرات امامية من بين معظم الشركات المنافسة ..بكل بساطة اوبو افضل كايرا سيلفي هتستخدمها
لو حبيت تقارن هتلاحظ ان النوعين الاختلافات طفيفة بينهم ...اللي هيحدد انت عاوز تجيب ايه هتبقي ميزانيتك واستخدامك ..هل بتحب بطارية عملاق وشحن سريع واداءمميز ولكن خامات متوسطة وكاميرا ممكن تكون اقل من هواوي زي اوبو ولا فون بشكل حلو واداء جيد وبطارية متوسطة ولكن تجربة تصوير رائعة زي هواوي.
