كيفية صيانة فيات 131/ لازم ولابد تكون العربيه بارده او لم تستعمل لمده 3 ساعات على الاقل
عشان الكربراتير لو اتفك والعربيه سخنه هيفقع واستحاله انك تعرف تظبطته مره اخري
يقفع يعنى يحصل شبه انبعاج فى القاعده بتاعته يفضل ياخد هوا واستحالة ان ينظبط معاك فيجب ان تحرص علي ان
يكون معاك مفتاح 12 مشرشر وتقوم بتكسيحه بالشاكوش على شكل زاويه قائمه ثم نقوم بأحضار
مفتاح عاده كبير واحد صغيرمفتاح 10واحضارايضا
مفتاح 8 ويستحسن ان تتكون بيبه نبدأ العمل
هنقوم بفك وش العمه عن طريق فك ال 3 مسامير بمفتاح 10
نطلع الوش بتاع العمه ونطلع الفلتر معاه
هنفك قاعده العمه عن طريق فك ال 4 مسامير ال 8 بالبيبه
نفك خرطوم البخر ( فايظ الزيت )
نطلع العمه برا وهيبان ساعتها الكربراتير
هتقوم بفك المسمارين 12 الاول من ناحية الشمال بالمفتاح العاده
هتقوم بفك الاتنين الاخرين بالمفتاح المشرشر القائم
ودا لان الكامه زانقه الدنيا وخصوصا المكنه ال 2 هتفك خرطومين المياه اللى ورا اللى راكبه فى السخان براحه
وتعرف مكان كل واحد فيهم فين
هتفك خرطومين البنزين اللى راكبين فى الكربراتير
وتخلى بالك من اماكن تركيبهم
كدا الكربراتير بقا حر تبدأ تشد الكربراتير لفوق وببطئ ثم لحد ما يبدأ يطلع معاك ثم قم بخلعه ببطئ
طلع الكربراتير معاك هنبدأ نفك مسمامير الوش اللى فوق
بالمفك العاده
هنسحب دراع الشفاط لبرا ونرفع الوش هيطلع بكل سهوله
هنخلع البكين اللى تحت فى الحوض بتوع الباب الاول والتاني
لو الكربراتير عندك شغال بك سلانسيه كهربا
يبقى تشترى بكين مقاس 125 وتركبهم لو الكربراتير عندك شغال بك سلانسيه عاده اولاغى الكهربا
عن طريق قطع سن بك السلانسيه
يبقى تشترى بكين مقاس 115 وتركبهم
هتغسل الكربراتير كويس جدا بلتر بنزين برا وفرشه
غسله نضيفه جيدا ثم بعد ذلك هنفك السلانسبه
لو كان عاده هتشترى بك مقاس 40 وتركبه
لو كان كهربا يبقى بك مقاس 55/60 وتركبه
هنظبط الشفاط عن طريق فك التلات مسمامير اللى ماسكين
الوش بتاع الشفاط ونطلعه برا
لو كان الملف الزنبركى اللى جوا ملفوف حوالين بعضه كويس
يبقى هنقوم جايين قفلين الباب الاول بايدنا كويس على الاخر
هنركب سن الملف اللى جوا داخل سن الباب الاول
بطريقه عاشق ومعشوق
هنركب وش الشفاط ونربط التلات مسمامير كويس
بعدين هنقوم قافلين مسمار الهوا كله عن طريق
لفه ناحيه اليمين لحد الاخر
هنفتح المسمار عن طريق لفه مره واحده بس
هنقفل الوش اللى فوق ونتأكد من سلامه الجوان بتاعته
23/ هنسقط الكربراتير فى مكانه نربط ال 4مساميرجيدا ثم بعد ذلك
نربط خراطيم المياه اللى راكبه فى الشفاط
وخراطيم البنزين مكانها ثم بعد ذلك نقوم بتدوير العربية
لازم نسند للعربيه شويه الاول لان الكربراتير فاضى مفهوش بنزين
سوف تدور لو احتاجت اننا نسند بنزين فى الاول عشان بتبطل
مفيش مشكله نسندها لحد ما نظبط الشفاط
قبل اى حاجه هنظبط الشفاط
عن طريق ظبطته من مسمار الرجلاش بتاعه ودا لو العربيه واطيه
هنلفه شمال عشان يزود البنزين
ولو عاليه هنلفه يمين عشان نقلل البنزين ثم بعد ما
ظبطنا الشفاط هنسيب العربيه تسخن لمده 5 دقايق
وبعدين امبليه كويس
ممكن العربيه تبطل منك متقلقش دور تانى
واسند بنزين حاجه بسيطه وافتح مسمار الهوا لفه كمان ناحية الشمال
وبعدين شيل ايدك ودوس امبليه تانى وبعدين ارجع اظبط تانى
اولا لو العربيه عاليه هتقلل البنزين عن طريق مسمار البنزين هتلفه ناحية
الشمال ولو العربيه واطيه هتلفه ناحية اليمين
لحد ما تظبط وخلى ايدك وودنك حساسين فى المرحله دى
ظبط بنزين تمام هنظبط هوا تانى
ودا عن طريق هنقفل الهوا تانى واحده واحده لحد ما نحس ان العربيه برجلت وهتبطل
نفتحه تانى سنه بسيطه وواحده واحده لحد ما يبقاش فى رعشه فى الموتور خالص
دوس امبليه تمام وبص على الباب الاول لو بقا واقف على سيفه
يبقى الشفاط مظبوط تمام وزى الفل مش مظبوط
هنفك الشفاط تانى وبعدين نوقف الباب على سيفه ونركب سن الملف الزنبركى ثم نضعه جيدا
فى سن الباب وهو واقف ونربط المسامير ودا لان الملف الزنبركى
بتاع الشفاط مش حساس للحراره
لو احتجت للخطوه اللى فاتت هنضطر نظبط هوا وبنزين تانى على نفس الطريقه اللى فاتت
هنظبط الكهربا وهنا هنحتاج مفتاح 17 نهوى بيه على صمولة الاسبراتير
ونلف الاسبراتير سنه بسيطه يمين وشمال وندوس امبليه لحد ما نحس ان العربيه
فايقه فى الامبليه بس بشرط متلفش الاسبراتير جامد ومره واحده لف نص لفه
يمين واحده واحده لحد ما تحس انها كدا احسن لو ماانظبطتش
ارجع للوضع الاصلى وابدأ لف نص لفه شمال ببطئ لحد ما تظبط نهأيا.
