انا مخطوبة من 7 شهور حواز صالونات انا مش بحبه ومش بكرهه انسان عادي بالنسبالي حاولت احبه من بعد الخطوبة مش عرفت بس قولت بما اني مش بكرهه ف عادي جايز احبه بعد الجواز بس هو اصلا خوفني منه ف الاول لان بعد الخطوبة بكام يوم قالي كلام يحمل ايحاءات مش مظبوطة عن جسمي وحاجات تخلي البنت تتكسف بس بعد كده هو اعتذر بس مازال من فترة للتانية بيقول حاجات واهلي بيقولوا عادي كل الشباب كده انتي بس ابقي وقفية عند حده كمان اول مناسبة لينا كانت بعد شهرين من الخطوبة مش جابلي حتي وردة مع انه فاكر المناسبة وانا قبلها بشهر كنت عملاله عيد ميلاد وجيباله هدية ولما عاتبته قالي لو جيباني تهزقيني اروح احسن وكان بارد جدا وعمال ياكل بالرغم اني جبتله هدية ف المناسبة دي باردو انا مش مادية هو جابلي هدايا بعد كده بس الهدية بتكون حلوة وقت المناسبة بس هو اللي مش عرف يشدني ليه باللفتات البسيطة دي طلبت منه حاجات ف الشقة تتغير علي اساس انه حقي لانه اتجوز فيها وكمان هو عايش فيها لحد دلوقتي لوحده لانه يتيم قالي ظروفي مش تسمح اتنازلت عن اللي عايزة ماعدا حاجه واحده هتكلف 1500 جنية قالي كده هعمل جمعية ونقعد سنة كمان مع ان دخلة 6000 جنية ف الشهر وفضل يقول مالوش لازمة وعايزني اغير رأيي احنا جواز صالونات وهو اول ولد اكلمه ف حياتي بس حساه بييجي عليا جامد وانا عمرى ماطلبت منه حاجه رجع وقال ماشي هعملك الحاجه دي بس بعد مانشف ريقي وقفلني منه اكتر ف انا مش عارفه اعمل ايه هو مش مقتنع ان ده حقي واني ممكن اطلب حاجة تتغير وكمان مش عارفه اكمل ولا اريح نفسي وافركش واستني الشخص اللي احبه لاني زي ماقولت انا مش بحبه ومش بكرهه هي خطوبة قايمة ع العقل وبس وقولت جايز احبه بعد الجواز بس خايفة اتجوزه اندم بالاضافة انه بعد الخطوبة عرفني مشكلة صحية عنده وده شئ كان من حقي اني اعرفه قبل الخطوبة هو قاله بعد الخطوبة وقولت ماشي علشان مش قليلة الاصل لكن انا ف ده كله حاسه ان انا المظلومه وعلشان امكانياتة وافقت مش اعمل فرح انا حاسه ان الخطوبة دي بتستنزفني نفسي اعيش خطوبة اكون مبسوطة فيها وخايفه اسيبة زي مااهلي بيقولوا ف مش الاقي حد غيره علي اساس ان عندي 26 سنة مش عارفه اعمل ايه ممكن نصيحة و اسفة ع الاطالة وشكرا
