حلمانه يندك بابي كلمات
حلمانه يندك بابي
اطلع واشوف احبابي
ثاري الحلم جذابي
وآنه ادري ميردولي
هذا الحلم ... هم وألم .. وآنه الثكيله همومي
جا مانمت ... لوما عرفت .. شوفتهم إلا بنومي
دمعاتي تالي الليل ... حركت مخدتي
نيمتني بالأنتعاش ... وآنه بغرفتي
ياهو الي يبجي وياي! ... لو احجي علتي
صاير سواد الليل ... يشبه قسمتي
يايمه لتوصوني ... آنه ادري تنتظروني
جايتكم اتلكوني ... يمكم شبر ضمولي
جرح الجرح ... هم ينفتح ... من احلف بداعتكم
بيه الحزن ... فوك الوزن ... جنه بثكل هيبتكم
هندس لكيت ضواي ... من ذكرياتي
واندل وجهكم وين ... قبلة صلاتي
سودة الحياة هواي ... تشبه عباتي
اشمر عباتي اليوم .... والبس حياتي
يادنيه عيب وزحمه ... نام الكمر بالظلمه
مشتاكه اسمع يمه ... بلكي ارجع امشي بطولي
شرياني صار ... ايبدي نار ... دمي خلص بدموعي
كل دمعه احس ... بيهه الشمس ... ياهو افتهم موضوعي
هنياله للسرداب ... شابك الاحبهم
يمته آنه اصير تراب .. حته آنه اضمهم
افرح ي ملك الموت ... اولادي لمهم
جا مو خذتهم ليش... ماتاخذ امهم.