ياهل العقول الذاكية كان توحون كلمات....
يا اهل العقول الزاكيه كـان توحـون===اصـغـو دقـايـق مـوجـزه واسمـعـونـي
واصحـو وخلـوكـم مـعـي لا تسـجـون===ولا خـذت بعـض اوقاتكـم فاعذرونـي
كــــل الــهـــدف لـعـلـكــم تـسـتـفـيـدون===ولـيـا حـصـل مـنـي خـطـا وجـهـونـي
عــن الاخـــره واهـوالـهـا لا تغـفـلـون===وانـــا بـعــد مـــن فضـلـكـم ذكـرونــي
البـارحـه لـيـلـي هـواجـيـس وحـــزون===والــنــوم عــيّــا لا يــوالــف عـيـونــي
طرى علي المـوت والمـوت مضمـون===لا اقفـت عـن الدنيـا واهلهـا ضعـونـي
وقامـو علـي بعـض المحبـيـن يبـكـون===وفــي المغسـلـه مـمـا عـلـي جـردونـي
وقامو على جسمي من الماء يصبـون===ثـــم ودعـونــي عـقــب مـــا كـفـنـونـي
وتـواعــدو عـلــى الـجـنـازه يـصـلـون===وصفـو وانـا تـو الامــام اعرضـونـي
ويوم انصرف وانا مسجـى ومركـون===فـارخــو عـلــي اكتـافـهـم واحـمـلـونـي
ثـم اسرعـو بـي فـي خطـاهـم يحـثـون===وتـعـالــمــو بـجـنــازتــي وتـبــعــونــي
الـــى مـنــازل عـالــم مـــا يــدوجــون===مــن يــوم صـادتـهـم يـديــن المـنـونـي
دخلـتـهـا مـحـمـول والـنــاس يـمـشـون===وعـلــى مـشــارف مـنـزلـي نـزلـونـي
ثــم خلخلـونـي لاسـفـل القـبـر بـلـهـون===وارخــو عـلــي الاربـطــه وادفـنـونـي
واقفو وانا فـي باطـن الارض مدفـون===الله يـسـامـح كــــل مــــن سـامـحـونـي
وسمـعـت قــرع نعالـهـم يــوم يـقـفـون===وجاتـنـي مـلائـكـة الـقـبـر واسـالـونـي
لـو يجتمـع عنـدي مـن النـاس ملـيـون===تــوحــشــو مـــنــــي ولا ونــســونـــي
وامسيت في قبري بالاعمال مرهون===وحــال الـتـراب وصـفـة الـبـن دونــي
وتــوافــدو عــلــى مـحــلــي يــعـــزون===وزارونـي الاصحـاب مــا حصلـونـي
العـلـم غـيـر العـلـم لــو كــان يــدرون===لا غـيـرت الاجــداث شكـلـي ولـونــي
واعظم مصيبه لا انكشف كل مكنـون===في موقفن ما احدٍ علـى احـدٍ يومونـي
تكـفـون يــا واعـيـن الالـبـاب تـكـفـون===تـوبـو قـبـل يـــوم الـنــدم و الغـبـونـي
يــومٍ عـبــوس فـيــه فـايــز ومـغـبـون===وتحصـى وتقضـى فيـه كــل الديـونـي
مـقـدار خمسـيـن الــف مـمــا تـعــدون===وكـل الشهـود بـمـا جــرى يشهـدونـي
والاطفـال مـن طولـه وهولـه يشيبـون===وفـيـه الـولـد ينـسـى حـنـان الحـنـونـي
يالله يـالـلـي رحـمـتـك تـاســع الـكــون===امــا رحـمـت الـنـاس مــا يرحـمـونـي
تغفـر خطـا عبـدٍ بــالاوزار مشـحـون===ولـيــا غـفــرت فـكــل شـــيٍّ يـهـونــي
الـــرب يـعـفـو والمخـالـيـق يـخـطــون===وانـــا بـربــي مـــا تـــردت ضـنـونـي
لمـن يشـاء يغفـر خطـا مــن يتـوبـون===مـا كـان دون الـشـرك مهـمـا يكـونـي
