في مصر كل البنوك مع بعض فى البنك المركزى. يعنى لو هتاخد Credit Card او قرض هيرجع لقوائم البنك المركزى يشوف تاريخك عامل ايه من حيث انتظام الدفع و باقى القروض اللى عليك و اجمالى مبالغ كروت الائتمان.
و فى كمان قوائم سوداء لو مدفعتش مثلا بتروح عليها ساعتها متعرفش تاخد اى حاجه من اى بنك لانك مش موثوق فيك.
بالنسبه للحد الائتمانى بيبقى على ما اتذكر 40% من الراتب الاساسى, يعنى ممكن يبقى عندك 2 قرض و Visa و MasterCard بس المهم ان الدفعه الشهريه لمجموع كل دول ميعديش 40% كل شهر.
تقدر تروح على اى موظف خدمه عملاء فى اى بنك و بيحسبهالك و يقولك تقدر تاخد كام مع اللى عندك من غير ما تجيب اى ورق.
