يا عين لا تبكين وعيونه تنام كلمات
الحب مثل النوم والوصل الأحلام
والشين من الأحلام صد المحبين
نومه طويل عمره اشهور وأعوام
وان قمت فافهمها فراق وسهر عين
وانا رقدت وعمري اربع عشر عام
صحيت فى شهر اربعه عام الألفين
نوم ثقيل كله أحلام وأوهام
ونصيبي من أحلامه الجانب الشين
صحى الفراق اقلوب فى عكسه نيام
وقلب الفرح وانا بعكسه إلى اللحين
يا حزن كبدي حزن من ضاق ثم حام
أخفت فروخه مادري ليه ولوين
بعد ما شاف العش عيدان وعظام
خالى تفكر فوق ويسار ويمين
خلا عشاها فيه ومن الوطى شام
زين على روحه وفل الجناحين
ويا وجد حالى وجد من نام ثم قام
على صياح امه وهو دون رجلين
عريق أمه تنعته والنعت سام
وهو خابر انه يقصم الصف صفين
حبا وصاح بصيحة تاصل الشام
منها تقطع في خفوقه شرايين
على وليف قسم اظنوني اقسام
واقفي وانا نا اعرف طرد المقفين
راح وترك فى صدري وسوم واعلام
وصى على طيفه وقفي بقلبين
ليته تعذر كان ماهو بملام
بعد ما شاف الدرب بيسير دربين
اشوى عليه شوى من عض الإبهام
واشوى علي شوي من دمعة البين
تمشي بنا الأقدام والموت قدام
وميعادنا بمفرق اتنين بعدين
يا عين لا تبكين وعيونه تنام
عادش الى ما خاب ظني بترضين
لو الدموع اتفيد فادن الايتام
ولو الكلام ايفيد عادت فلسطين
ولو النبات يطلعه دمعة هيام
شفتوا على وجهي ورود وبساتين
الحب سجن وبعد الأحباب الإعدام
وقلوبنا السجان مدري مساجين
الحب نوم عمره اشهور واعوام
وان قمت ففهمها فراق وسهر عين
وانا تراي انعست من مدة ايام
لحد يصحيني ي الاقدار تكفين
